Studéieren, sech engagéieren, nei Weeër entdecken: De Service volontaire ass op der Studentefoire dobäi!
Bei der 40. Editioun vun der Studentefoire steet nieft Studien a beruffleche Perspektiven och den Engagement vu jonke Leit am Mëttelpunkt. D’Foire gëtt vum Ministère fir Fuerschung an Héichschoul (MESR) an Zesummenaarbecht mat der Association des Cercles d’Étudiants Luxembourgeois (ACEL) organiséiert a fënnt den 29. an 30. Oktober 2026 an der Coque um Kierchbierg statt.
Mat 180 Exposanten aus 17 Länner bitt d’Foire en Iwwerbléck iwwer verschidde Méiglechkeeten am Beräich vun der Héichschoul, der berufflecher Orientéierung an dem Engagement. E besonnesche Fokus läit dëst Joer op zivilen a kulturellen Initiativen an dem Fräiwëllegendéngscht.
Zesumme mam Eurodesk an dem Animateur spécialisé informéiert de Service volontaire vum SNJ um Stand 141, am Deel 3 vun der Foire, iwwer déi verschidde Méiglechkeeten, sech ze engagéieren an nei Erfarungen ze sammelen.
Mir freeën eis op däi Besuch!