International Mobilitéit: E Fokus op den Service volontaire op der Foire “Eraus an d’Welt”

Den 10. Oktober 2026 hunn de Service national de la jeunesse (SNJ) an den Eurodesk d’Foire “Eraus an d’Welt – International Experience Fair” organiséiert. Am Golden Square am Shopping Center Cloche d’Or, konnten déi Jonk tëscht 16 an 30 Joer sech iwwer international Erfarungen a Méiglechkeeten am Ausland informéieren.

Bei dëser Geleeënheet huet de SNJ eng ganz Rei Méiglechkeete fir international Mobilitéit virgestallt, déi a véier grouss Beräicher opgedeelt waren. Ee vun dëse Beräicher huet sech op d’Méiglechkeete vum Service volontaire an Europa an doriwwer eraus konzentréiert, notamment am Kader vum Service volontaire européen (SVE) an dem Service volontaire de coopération (SVC).

Mat insgesamt 17 Aussteller huet dës éischt Editioun deene Jonken, hiren Elteren an alle weideren Interesséierten d’Méiglechkeet gebueden, sech iwwer d’Offere vun der internationaler Mobilitéit z’informéieren, sech mat de verschiddenen Acteuren auszetauschen a konkret Projeten kennenzeléieren. Interaktiv Animatiounen a flott Aktivitéiten hunn d’Foire zu enger oppener an zougänglecher Plaz fir Échangen an nei Entdeckunge gemaach.

Loscht am Ausland eppes ze bewierken?

Ob an Europa oder méi wäit ewech: Entdeck deng Optiounen op volontaires.lu. Du bass nach onsécher? Da looss dech vun deene Jonken inspiréieren, déi de Schrëtt scho gewot hunn, a kuck dir hir Video-Temoignagen un!