Orientéierungswoch an der Handwierkskammer (HWK) Tréier

D‘Orientéierungswoch ass geplangt fir Jonker, di en CCP oder DAP an engem handwierkleche Betrib wëlle maachen oder fir Jonker, di nach kee konkrete Beruffswonsch hunn an sech fir d’Handwierk interesséieren an sech ausprobéiere wëllen.

De Jonke léiert an der Woch (5 Deeg) all Dag en aneren Atelier vun der Handwierkskammer Tréier kennen a schafft do aktiv mat. Zu de verschiddene Ateliere gehéieren ënner anerem d’Beräicher: Metall, Holz, IT, Elektronik & Zänntechniker. No der Orientéierungswoch kritt de Jonken e Participatiounszertifikat ausgestallt.

Di Jonk kënnen am Kolpinghaus (Jugendherberg) am Zentrum vun Tréier iwwernuechten oder alternativ all Dag selwer ureesen.