Service National de la jeunesse

Fann déi Projeten, déi dech am aktive Liewe virubréngen .

An den Atelieren vum SNJ kanns du op kreativer Aart a Weis deng Motivatioun erëmfannen. Doriwwer eraus léiers du erëm Vertrauen an dech selwer ze kreéieren an e perséinlecht Zil ze definéieren, dat s du wärend denger Zäit am Atelier erreeche wëlls.

Du kanns dech net richteg entscheeden a wéi engem Beräich dass du spéider wëlls schaffen oder du brauchs einfach méi Informatiounen zu engem bestëmmte Beruff a bass interesséiert fir kuerz Zäit an eng Firma oder Organisatioun eran ze schnupperen?

Mat engem Fräiwëllegendéngscht kanns du dech fir ee konkrete Projet vun allgemengem Interessi engagéieren. Et ass eng Méiglechkeet, duerch praktesch Erfarungen ze léieren an dech z orientéieren, bei där s du dech fir e bestëmmten Zäitraum vollzäit engagéiers.

D’Maison Eisenborn huet d’Missioun, d’Jugend am Kader vun hirer internationaler Mobilitéit z’ënnerstëtzen. Si bitt gläichzäiteg eng temporär Wunnméiglechkeet zu Lëtzebuerg fir lëtzebuergesch Studenten, déi am Ausland studéieren, an och eng Plaz fir jonk Leit, déi am Kader vun engem Stage op Lëtzebuerg kommen.