Beschreiwung vum Event

E Virstellungsgespréich ass deng Chance, en zukünftegen Patron vun dir ze iwwerzeegen – mee wéi stellt een sech am Beschten vir? Wéi äntwert een op typesch Froen, a wat spillt bei der Kierpersprooch an der Ausdrocksweis eng Roll? An dësem Workshop kriss du praktesch Tipps a kanns e realistescht Virstellungsgespréich üben.

Inhalter vum Workshop:

Virbereedung: Wat erwaart dech an engem Virstellungsgespréich, a wéi kanns du dech optimal dorop astellen?
Typesch Froe & Äntwerten: Wéi eng Froen gi gären gestallt, a wéi formuléiers du däin Äntwerten iwwerzeegend?
Kierpersprooch & Optrieden: Wéi beaflossen Mimik, Gestik a Stëmm den éischten Androck?

Praxisübung – Simulatioun vun engem Virstellungsgespréich
Direkt Feedback zu dengen Stäerkten a Verbesserungspotenzialer
Tipps fir eng staark Selbstpresentatioun an den Ëmgang mat Nervositéit

Dësen Workshop hëlleft dir, méi sécher an deng nächst Bewerbung ze goen an dech professionell ze presentéieren. Keng Virbereedung néideg – einfach matmaachen an ausprobéieren!

Wichteg Informatioun: Wiel am Umeldungsformulaire eng Zäit aus déi dir am beschten passt. Den Workshop dauert pro Grupp maximal 1 Stonn. Den definitiven Horaire gëtt dir per Email konfirméiert.

Bei Froen kanns du dech gären beim Jugend Bureau Téiteng mellen – jugendbureau.teiteng@gmail.com