Cours de 1er secours – Éischt Hëllefs Cours 23.11.2022 + 02.12.2022

Beschreiwung

Am Alldag geschéie vill Accidenter: Doheem, op der Aarbecht oder op der Strooss. Heiansdo sinn et just kleng Bobo’en an du wäerts léieren déi richteg ze behandelen.
Mee munchmol ass d’Situatioun méi seriö oder souguer schlëmm. Am 1. Hëllef Cours léiers du:

• eng Situatioun richteg anzeschätzen,
• wien fir Hëllef froen,
• wat’s du maache kanns bis di Hëllef op der Plaz ass.
Déi éischt Persoun op der Plaz ass e wichteg Glidd an der Rettungsketten. Wann hie richteg handelt erhéijen sech d’Iwwerliewenschancë vun der verletzter Persoun.
Du wäerts di richteg Gestë léieren: wat maache wann eng Persoun um erstécken ass, wéi reaniméiert een, wéi benotzt een een Defibrillator an nach vill méi!
Duerch praktesch Übunge léiers du d’Gestë gutt ze beherrsche fir am Noutfall richteg handelen ze kënnen.
Jidderee kann 1. Hëllef Gestë léieren. Jiddereen ass e potentielle Retter!
Zeck net, schreif dech an d’Formatioun an!
Den Zertifikat ass 5 Joer laang gëlteg.