Beschreiwung vun der Formatioun

Du wëlls zeréck an d’Schoul mee du weess nach net richteg wat’s du maache wëlls, oder wou a wéi’s du dech aschreiwe solls? Dann profitéier vun dëser Formatioun! Mir schwätzen zesummen iwwer däi Projet, kucke mat dir dass däin Dossier vollstänneg ass (CV, Motivatiouns-Bréif asw.) an informéieren dech iwwer déng méiglech Optiounen sou wéi d’Aschreiwungs-Weeër an déi verschidde Schoulen. Et ass och e Mataarbechter aus dem ENAD als Invité mat dobäi (Ecole Nationale des Adultes) deen dir dës Schoul virstellt an op déng méiglech Froen ageet. Mir freeën eis op dech!