Beschreiwung vun der Formatioun

Du bass vill op Social Media aktiv a wëlls gären deng Erfarungen um Netz mat anere Jonken deelen? Wärend dëser Formatioun kriss du d ‘Méiglechkeet dech am Grupp auszetauschen a mat anere Jonker iwwert deng Erfarunge mat Social Media ze diskutéieren. Folgend Theme ginn an der Formatioun och ugeschwat: d’Sécherheet online (Privatsphär), Bodyshaming & Bodypositivity, FOMO – Fear of missing out a Stereotyppen & Virurteeler. Hei kanns du dann och all deng Froen zu dësen Theme stellen a kriss se vun engem Mataarbechter vu BeeSecure beäntwert.